ازاى اختار عفش بيتي

ناس كتير بتبقي مش عارفه تتصرف ومش عارفه تختار ازاى
احنا بننصح دايما انه لابد من وجود نجار و ياريت متخصص عفش كمان مش اى مجال نجاره والسلام و كمان لازم يكون حد ثقه اوى عشان بتحصل كتير و يتفق النجار مع صاحب المعرض من غير م تاخد بالك و المعرض يراضيه بقرشين .

لكن برضو حتى لو معاك نجار خد بالك من الحاجات دى :
١- اعرف أبعاد المساحة اللى ناوى تفرشها و اعرف أماكن النوافذ و الابواب وألوان الحوائط
2- يفضل تشتري من مكان بيعرض الشغل خشب بدون فينش ولا قماش عشان نوعية وجودة الخشب تكون واضحه .

3- لو ليك فى النجاره والخشب متوضحش ده حاول تتفرج بس واسمع من البياع للآخر
4-  افحص الجوانب المسطحة اذا كانت كبس او ألواح ثم افحص ألواح الادراج الجانبية و أساطيم السرير حيث اللون الأحمر هو اللون المميز للخشب الزان .
5- مرر راحة يدك على القشرة الخارجيه للدولاب اذا كان هناك خشونة أو تعرج أو فراغات هواء او حتى تغير فى اللون فقطعة الأثاث غير سليمه ولا تصلح .
6- افحص كل ما يتحرك للتأكد من أنه يقوم بحركته الصحيحه خصوصا الجرار و الضلف فعليها التحرك بسلاسه فى الاتجاه المطلوب منها و بدون أصوات مزعجة .
7- أسأل البياع على نوع الخشب حتى لو انت فاهم واوعى تبين ده واعرف ان دايما معاك هامش تفاوض من 10% إلى 25% تقريبا.
8- ادخل أكتر من معرض قبل م تشتري و لو هتسافر دمياط يبقي لازم تلف في الأماكن القريبة منك الاول عشان يبقي عندك فكرة عامه عن الحاجه إللى ناوى تشتريها وكمان ابعد عن السماسرة لأن اغلبهم بيتفق مع المعارض و بياخدو منهم عموله
9- عند اختيار خشب غرفة النوم ابتعد عن الاخشاب اللينه مثل الام دى اف حيث يفضل الحصول على غرف من الأخشاب الصلبه مثل الخشب الزان والماهوجنى وذلك لأنها معمرة أكثر

10- فى الصالون و الأنتريه ابحث عن أماكن اللحامات والأطراف والأركان وافحص أثر الغراء و المسامير كما أن أغلب الأثاث الدمياطي لا تدهن الأرجل
11- لمعرفة جودة وسائد الصالون او الأنتريه اضغط عليها بقوة بكف يدك , إذا اتضح لك انها من القش فهى خامه غير جيده أما الاسفنج فجودته تظهر من سرعة رجوعه لوضعه الطبيعى بعد رفع كفك عنه ... فإذا ارتد بسرعه وكان متماسكا فهذا يدل على جودة الاسفنج المصنوع منه
12- الخشب المضغوط لا يمكن اصلاحه ولا يتحمل كثرة الفك و التركيب و يتأثر بسهوله بالعوامل الجويه مثل الرطوبه والحرارة
13- نظرا لإرتفاع أسعار الاخشاب الصلبه مقارنة بغيرها فإنه جرى العرف على إستخدام نوعين أو أكثر من الخشب فى صناعة نفس الغرفه
14- بعد الاتفاق لاتدفع كامل المبلغ فعليك حجز مبلغ فى حدود 25% من القيمة المتفق عليها تدفعها عند استلامك المنتج و خصوصا اذا كان فيه عمليات تركيب معقدة تحتاج الى متخصصين .
x
x